এজন শিক্ষক হৈছে সমাজৰ দাপোন স্বৰূপ। অভিভাৱকৰ পিছৰ স্থানটোৱেই হৈছে শিক্ষকৰ স্থান। পিতৃ-মাতৃয়ে সন্তান জন্ম দিয়ে আৰু শিক্ষকে এক আদৰ্শবান নাগৰিক হিচাপে গঢ় দিয়ে । প্ৰায় সকলো ব্যক্তিয়েই আনুষ্ঠানিক শিক্ষা লাভ কৰে এজন বা একাধিক শিক্ষকৰ পৰা। মানুহ গঢ়া কাৰখানাত একমাত্ৰ কাৰিকৰ হ'ল এজন শিক্ষক, যাৰ ভূমিকা জীৱনত অতিশয় গুৰুত্বপূৰ্ণ। শিক্ষকে প্ৰদান কৰা শিক্ষা আৰু অনুপ্ৰেৰণাতে সমাজত একো একোজন শিশু, একো একোজন দায়িত্বশীল মানুহ' হিচাপে পৰিগণিত হয়। যদি শিশুক এটা খালী পাত্ৰ বুলি গণ্য কৰা হয়, শিক্ষক হৈছে সেই পাত্ৰটোৰ মুখা যাৰ কাম হৈছে উপযুক্ত সামগ্ৰীৰে পাত্ৰটো ভৰ্তি কৰা আৰু ইয়াক ধ্বংস কৰা বিষাক্ত বস্তুসমূহৰ পৰা সুৰক্ষিত ৰখা।
"গুৰু ব্ৰহ্মা গুৰু বিষ্ণু
গুৰুদেৱ মহেশ্বৰ
গুৰু সাক্ষাৎ পৰমব্ৰহ্ম
তস্মৈ শ্ৰী গুৰুৱে নমঃ"
No comments:
Post a Comment